Aktori shqiptar Genc Fuga ka folur rreth jetës së tij, ku ka ndarë për publikun situatën e vështirë ekonomike në të cilën ndodhet së bashku me bashkëshorten e tij, Eni Jani, aktoren me të cilën jemi njohur nëpërmjet serialit ‘Njerëz dhe Fate’.
Fuga tek ‘Glamour’ tha se ata si çift e kanë të vështirë të përballojnë jetesën dhe shpesh ngelin në pritje të rrogës së radhës, si dhe aktrimi është një sakrificë.
Pjesë nga biseda:
Cila është prova më e madhe e dashurisë që ti i ke dhënë gruas tënde?
Genc Fuga: Është gati një mision i pamundur që të jesh një çift krijuesish dhe interpretuesish në Shqipëri. Nuk e di si i gjejmë forcat në fund të muajit, që presim daljen e rrogës së radhës.
Cili ka qenë momenti që ajo të ka mbështetur më shumë se kurrë?
Genc Fuga: Unë fsheh paaftësinë time si kryefamiljar në sigurimin e të ardhurave. Eni duhet të fshehë pasigurinë time në sy të vajzave dhe pjesës tjetër të familjes. Është një sakrificë, është një rol mbi rol që duhet të luajmë çdo fund muaji.